समजावून सांगण्यासाठीं सांगणारांनीं स्वतःच्या धारणेप्रमाणे विवर्तवादाचा वा परिणामवादाचा आश्रय करावा. या वादांचे निरनिराळ्या दृष्टिकोनांतून आणखी प्रकार पाडावेत. त्याला आपल्या रुचीप्रमाणे मायावाद, अनध्यस्त, विवर्तवाद, अविकृत परिणामवाद, चिद्विलासवाद अशी नांवें द्यावीत. वचनांचे कीस काढावेत. शब्दांचे ध्वनी शोधावेत आणि चर्चा करावी. फल शेवटीं एकच; आणि तें म्हणजे ‘निश्चित कांहीं सांगतां येत नाहीं’ हें!
